《开心速递》画面正过BL漫画 安仔朱凌凌成最新CP

2019-04-11 13:43:32 作者: 阅读:

《开心速递》画面正过BL漫画 安仔朱凌凌成最新CP

无线(TVB)处境喜剧《爱‧回家之开心速递》里面有好多深受观众爱戴的CP(配对),包括入围《万千星辉颁奖典礼2018》「最受欢迎电视拍文件」的「大小姐」林淑敏、「送水辉」许家杰以及「KC」欧瑞伟、「Terry」李伟健,而最近又有一对CP诞生,而且更比上述两Pair更后生、更养眼。

在昨晚(27/11)播出的一集中,「安仔」周嘉洛为了撮合「心如」苏韵姿和「佐治」张明伟,特登让他们在微电影中饰演情侣,点知两人毫不过电,搞到周嘉洛和「朱凌凌」吴伟豪忍不住出手示范,上演了两幕情深款款的「HeHe」戏码。

周嘉洛和吴伟豪的BL画面:

好多观众、网民睇完周嘉洛和吴伟豪的BL场面后都非常兴奋,更有疑似「腐女」立即开Post跪求编剧将两人写成一对爱侣,又话周嘉洛和饰演其女友Bonnie的林凯恩愈来愈不登对:「佢同朱凌凌有化学作用得多!今集真系睇好感动,编剧应该听取观众意见,撮合佢哋。」

有人睇完这段贴文后大表同意,话好希望二人可以名正言顺做CP:「好多国家都好热衷拍BL剧,保守如南韩咁都拍咗好多出,大家都唔好咁保守,TVB都唔好与时代脱节啦!」

其实周嘉洛和吴伟豪在戏里戏外都是好兄弟,绝对称得上Friend过打Band,拍这类BL亲密场面都应该手到拿来,但周嘉洛却大爆当时数度笑场要NG,他接受《香港01》访问时说:「有忍唔住笑,拍呢两场戏都忍唔住笑咗好多次,但系我哋都系好专业嘅演员嚟,都好投入、好认真去看待件事,剧情交代我演绎畀我三姨(苏韵姿)同佐治(张明伟)睇个戏系点做,所以我哋都系好认真去做,笑多几次就冇事!我本身都系好钟意同Ricco(吴伟豪)演戏,好开心观众好钟意呢啲火花。」

至于周嘉洛本人又怎样看「安凌配」这对新CP?是否与观众一样,好想他们能够「在一起」?他说:「我都希望可以满足大家!但系我未收到类似嘅剧本。咁我自己对任何剧种都抱住好开放同愿意接受嘅态度,网友意见系好紧要,都希望佢哋睇得开心,但剧情上嘅都系交返畀编剧啦!」哎呀,即系各位要等下喇!

最近更新 / LATEST
点击排行 / HOTHITS